بله بند بور شدوم قلا ره دیدوم
بله قلا باچه مولا ره دیدوم
باچه مولا موگه صابو ندروم
پیرون مه چرک کده خاتو ندروم
==============
سر خو از کللین بدر کو او ستاره
ماه یی رویت بیبینوم سر دوباره
ماه یی رویت بیبینوم شادو میشوم
ز قید عشق تو آزاد میشوم
==============
بله بند بور شدوم قلا ره دیدوم
بله قلا باچه مولا ره دیدوم
باچه مولا موگه صابو ندروم
پیرون مه چرک کده خاتو ندروم
==============
سر خو از کللین بدر کو او ستاره
ماه یی رویت بیبینوم سر دوباره
ماه یی رویت بیبینوم شادو میشوم
ز قید عشق تو آزاد میشوم
==============
ده او قلا بوی مشکه خدایا
دلم دیوانه عشقه خدایا
بورین بوتل واسلینگ ره بیارین
لبو دندان یار خشکه خدا یا
==============
عجب آلم تبايه ما بلی خور
ده نوربندی تنايه ما بلی خور
رفيق دل ده ار مضمون مکتب
نومره شی دای دايه ما بلی خور
==============
کشکی مه گرد دان رای شی بودوم
ديده مکتب موره امرای شی بودوم
ماکم مگريفت مره تايی بغل خو
کشکی ديسکول کتابای شی بودوم
=============
پی سنگ درده سر تيری کيده ايشت
مو ره تسليم بی ميری کيده ايشت
محبت ره قدی يک توغ کيده خو
ده بند دل مه کورگيری کيده ايشت
==============
شانمه پریِ کویی قافی آلی
کلو مغرور و بی انصافی آلی
ازی کلو بوگوم تو قار موشونی
در مو غریب چه کم اصرافی آلی
==============
بيه گولدان جانيم پور نومو کو
مه ره مست شراب آرزو کو
سر ايشته کو نيمازيت روی قلبيم
بيسه قد شبنم اشک يم اوضو کو
==============
کمک موسخيندی کو بس کو خيشيم خو
آلی پورموشت کنو رسم قديم خو
خولاصه ار کوجا ده گير مه بايی
خاک پايای تو ره موملوم ده چیم خو
==============
الا ای مایی تابوی ازاره
چیمایت قاصیدی فصل بهاره
بیشی بیخیم صوبا سفر ره یی یوم
کنوم قد تار موی تو ایستیخاره
==============
تو نوربندگ اجب جادوگیری نی
ده خاویم تا گول صوب شبکیری نی
مه ره ایلمگ کیده خود تو توتا نی
موی تریگ مه ره خاگیشتیری نی
==============
اجب بیه بیلند و خوش صیفاتی
اَلی مزگی تر از قند و نباتی
ده نوربندی تو شک ندروم ازیزوم
مگم قیرو کمک بی ایتیاتی
==============
چیمایت پور خوماره بندی دیل مه
وفایت بی شوماره بندی دیل مه
مه ره پیچیق کنو شیفتی بغل خو
که دونیا بیتوباره بندی دیل مه
==============
بلای چشمانای شه ره بیگیروم
به دیده خاک پای شه ره بیگیروم
شده چن روز که روی شی ره نه دیدوم
دم شام سری رای شه ره بیگیروم
==============
الا یارجان مقربان بیه تو
تو استه شو بشینوم ما سایه تو
تو استه شو مثل درخت بلک دار
تو میوه کو بچینوم ما میوه تو
==============
عضو شوید
عضویت سریع
آمار مطالب
آمار بازدید
